EkonomiKulturëKurioziteteLajmeLajmi i funditShëndetësiShowbizSport

Zeka: Rugova rrethohej nga njerëz të UDB’së, e kanë shafitur

Kryetari i Partisë Euroatlantike të Kosovës, Milaim Zeka, ka folur për raportet e tij me presidentin e ndjerë të vendit, Ibrahim Rugova.

Zeka ka thënë në emisionin “Pressing”, në
televizionin T7, se Rugova e kishte përzgjedhur për drejtor të
Radiotelevizionit të Kosovës.

Ai po ashtu ka deklaruar se me ish-kreun e
Lidhjes Demokratike të Kosovës ka pasur shumë takime.

“Në vizitën e parë zyrtare në jetën e tij, ka
ardhur në Oslo, te unë, në vitin 1990 apo 91”, ka treguar Zeka.

“E kam takuar me personalitetet më të larta
norvegjeze”, ka bërë të ditur deputeti i Kuvendit të Kosovës.

“Prej Oslos kemi shkuar në Stokholm. Ishte
hera e parë që presidenti Rugova takonte një personalitet aq të lartë sa
ministrja e Punëve të Jashtme të Suedisë, Margaretha af Ugglas”, ka kujtuar
Zeka.

“Unë kam qenë përkthyes. Rugova deklaroi: Ose do ta ndihmoni popullin tim për t’u çliruar nga Serbia, ose do të bëhet bazeni i gjakut deri në gju”, ka treguar Zeka në T7.

Sipas Zekës, Rugova ka qenë shumë “radikal”.
Ai ka akuzuar rrethin e Rugovës se e kanë dëmtuar presidentin e ndjerë.

“Këta zhapinat, hardhucat, që i ka pasur rreth e rreth vetes, që gjysma kanë qenë njerëz të UDB’së, e kanë shafitur Rugovën”, është shprehur ai. /Express/

The post Zeka: Rugova rrethohej nga njerëz të UDB’së, e kanë shafitur appeared first on Gazeta Express.